من جيبي
طاحت لي السمية مع الكنية
أو ضاعت معاهم نقطة شارفة سفلية
أو نقطة هايفة صادة علي
أو نقطة في تستنى في الدية قصدت سوق الحروف
والصنك بالقافية
ها السين بالتكرار ها الياء أو ماها
اللي بدموعي مسقية
ها النون فدواخلي مخفية
أو بين عامرة أو خاوية
طحت فالسطر البراق
قنديل قصايدي
فالقريحة والسجية
رحت لصحاب الحال
صرحت زعما
اوبصمت بالماء
أو خلصت الذمة
ولا وجدوا لي السمية
مع الكنية
انا يا ربي ما اخترت اسمي
ولا جاني فهدية
ما اخترت اختي مع خويا
اختارتهم لي امي مع بويا
وانا اخترت رفيق
ضاع ليا